Frantsiya terma jamoasi bosh murabbiyi Dide Desham ma'lum qilishicha, milliy jamoa sardori va hujumchisi Kilian Mbappe yana to'pig'ini jarohatlab oldi. Bu holat jahon chempionati–2026 saralash bosqichidan o'rin olgan Frantsiya — Ozarbayjon (3:0) uchrashuvi vaqtida yuz berdi. «Real» forvardi 83-daqiqada zaxiraga olindi.

«Bu o'sha oyoq, avval ham u erda jarohat bor edi. Kilian dam olganida og'riq kamayadi, lekin o'yin paytida raqib bilan to'qnashuvlardan qochib bo'lmaydi. Hozircha vaziyatni baholaymiz. Mbappeda noqulaylik bor, bu yaxshi emas», — deb Deshamning so'zlarini keltirmoqda jurnalist Fabritsio Romano X ijtimoiy tarmog'ida.

Avvalroq xabar berilishicha, Mbappe Ozarbayjonga qarshi o'yin arafasida terma jamoa bilan to'liq mashg'ulot o'tkazmagan, buning sababi — to'pig'idagi jarohatning qayta bezovta qila boshlagan.

Manba: championat.com