"Chelsi"ning yangi bosh murabbiyi Xabi Alonso londonliklarning yozgi transfer strategiyasini ishlab chiqishni boshladi. CentreGoalHQ nashrining ma'lumotlariga ko'ra, ispaniyalik mutaxassis "ko'klar" rahbariyatiga o'zi sotib olmoqchi bo'lgan futbolchilarning qisqacha ro'yxatini (short-list) taqdim etgan.

Alonso transfer bozoridagi uchta asosiy nishonni allaqachon tasdiqlab bo'ldi — bular "Bayer"dan Viktor Bonifase, "Sanderlend"dan Granit Jaka va "Real"dan Kilian Mbappedir. Ushbu futbolchilarning har biri o'z vaqtida Alonso qo'l ostida to'p surgan: Bonifase va Jaka — "Bayer"da, Mbappe esa — "Real"da.

Eslatib o'tamiz, "Chelsi" 17 may kuni Xabi Alonso jamoa bosh murabbiyi etib tayinlanganini rasman e'lon qilgan edi. Ispaniyalik mutaxassis bilan 2030 yilning 30 iyuniga qadar mo'ljallangan shartnoma imzolangan.