Madridning "Real" klubi futbolchisi Kilian Mbappe "Tottenxem" hujumkor yarim himoyachisi Xavi Simons haqida fikr bildirdi.

Frantsiyalik hujumchi niderlandiyalik futbolchi bilan "PSJ"da birga o'ynagan.

"Simons juda iqtidorli futbolchi. U o'z vaqtida to'g'ri qaror qabul qilib, o'yin amaliyoti uchun PSVga ko'chib o'tgan. Yoshligingda top-klubda o'zingni ko'rsatish qiyin. Keyin u "RB Leyptsig"ga o'tdi, u erda ham ajoyib edi va endi "Tottenxem"ga o'tdi. Umid qilamanki, Xavi rivojlanishda davom etadi va o'zi intilayotgan hamma narsaga erishadi. Unga eng yaxshi tilaklarni tilayman," - deya Mbappening so'zlarini keltiradi Madrid Universal.

Xavi Simons avgust oyida "RB Leyptsig"ni "Tottenxem"ga almashtirgandi. Transfer qiymati 65 mln evroni tashkil etgan.