Yulduz hujumchi Kilian Mbappe "Oltin to'p" haqidagi savolga javob berdi. Frantsiya terma jamoasi sardoridan terma jamoadagi sherigi Usmon Dembele mukofotga loyiqmi, deb so'rashdi.

- Albatta! Menga qolsa, mukofotni uyiga o'zim olib borib berardim. Umid qilamanki, Hakimiy yuqori o'rinni egallaydi, chunki himoyachilar ko'proq e'tirofga loyiq. Yamalmi? U emas, u "Barselona"da o'ynaydi-ku (kuladi). Ammo u haqiqatan ham yaxshi futbolchi!" - dedi Mbappe.

"Oltin to'p" Parijda 22 sentyabr kuni topshiriladi. Usmon Dembele nufuzli sovrin uchun kurashda asosiy favoritlardan biri hisoblanadi.