Frantsiya terma jamoasi hujumchisi Kilian Mbappe Maykl Olise bilan birgalikdagi o'yini haqida nima deb o'ylashini aytdi.

«Uchranglar» sardori JCh-2026 guruh bosqichi 1-turidan o'rin olgan Senegalga qarshi bahsda (3:1) raqib darvozasini ikki bor ishg'ol qildi – birinchi vaziyatda, 66-daqiqada, unga «Bavariya» vingeri assistentlik qildi.

«Olise bilan birga o'ynash men uchun juda oson. U doim boshini baland ko'tarib harakat qiladi, har doim oldinga o'ynashga intiladi», — deya Mbappening so'zlarini keltirmoqda Ispaniya OAVlari.

Aytgancha, Frantsiya va Senegal o'rtasidagi uchrashuvning eng yaxshi futbolchisi sovrini Mbappega emas, aynan Olisega nasib etdi.

Ikkinchi turda frantsuzlar iroqlik raqiblariga qarshi maydonga tushishadi.