"Real" hujumchisi Kilian Mbappe La Liganing 21-turidan o'rin olgan "Vilyarreal"ga (2:0) qarshi o'yinda penalti ishlab oldi va undan unumli foydalandi.

Uchrashuvning 92-daqiqasida hakam Sesar Soto Grado mezbonlar jarima maydoni ichida Alfonso Pedrasaning "podkati" natijasida "Real" hujumchisiga nisbatan qoida buzilganini qayd etdi.

11 metrlik jarima zarbasini Mbappe panenka uslubida golga aylantirdi. Ushbu o'yinda frantsuz dubl qayd etdi.