Madridning «Real» klubi hujumchisi Kilian Mbappe Lionel Messi va Neymar bilan birga o'ynagan davrlarini yodga oldi.

Frantsiyalik yulduz «PSJ» mashg'ulotlarining birida uchchala yulduz ishtirok etgan qiziqarli voqeani so'zlab berdi.

«Messi — o'zgacha, u hamma narsani mukammal bajaradi. Esimda, kunlarning birida mashg'ulotda darvozaga zarba berish ustida ishlayotgandik. Men va Neymarda hammasidan ham yaxshiroq chiqayotgandi — o'nta urinishdan olti yoki ettitasini golga aylantirgandik. Ammo keyin Messi keldi va to'qqizta imkoniyatdan to'qqizta gol urdi. O'shanda Neymar: "Ko'rdingmi? Messi to'qqiz marta ham bir xil zarba bilan gol urdi!" — degandi», — dedi Mbappe o'z intervyusida.

Hozirda Messi «Inter Mayami» sharafini himoya qilmoqda, Neymar esa o'zining qadrdon klubi — «Santos»da to'p surmoqda.