"Real" va Frantsiya milliy terma jamoasi hujumchisi Kilian Mbappe o'zi urgan gollarni nishonlash usuli yo'qligini tan oldi.

"Sevilya"ga qarshi o'yinda frantsiyalik hujumchi golni Krishtianu Ronaldu uslubida nishonladi. Keyinchalik u portugaliyalik futbolchi unga ilhom berganini, shuning uchun buni minnatdorchilik sifatida qilganini tushuntirdi.

"Mening o'zimga xos nishonlash uslubim yo'q, shuning uchun bugungi nishonlashni unga bag'ishladim," - deb futbolchining so'zlarini keltiradi Fabritsio Romano.

2025/2026 yilgi mavsumda Mbappe barcha klub musobaqalarida 26 ta o'yinda ishtirok etib, 29 ta gol urdi va beshta golli uzatma bajardi.