Frantsiya terma jamoasining yulduzli hujumchisi Kilian Mbappe Shimoliy Amerikada start olgan Jahon chempionati–2026 doirasida Argentina terma jamoasiga qarshi bo'lib o'tishi mumkin bo'lgan ehtimoliy uchrashuv haqida gapirdi.

«Jamoamiz g'alabaga chanqoq va doimgidek faqat chempionlik uchun kurashamiz», — deya yulduz forvardning so'zlaridan iqtibos keltiradi insayder Fabritsio Romano o'zining ijtimoiy tarmoqlardagi sahifalarida.

Eslatib o'tamiz, JCh-2022 final uchrashuvida Frantsiya terma jamoasi Argentinaga penaltilar seriyasida imkoniyatni boy bergan edi. O'sha bahsda Kilian Mbappe raqib darvozasiga uchta gol urib, xet-trik qayd etgandi.

JCh-2026 guruh bosqichida «uchranglilar» Norvegiya, Senegal va Iroq terma jamoalariga qarshi maydonga tushishadi.