"Real"ning frantsiyalik hujumchisi Kilian Mbappe jamoaning amaldagi ustozi Xabi Alonso va "qaymoqranglilar"ning sobiq ustozi Karlo Anchelotti nimasi bilan farq qiladi, degan savolga javob berdi.

"Anchelotti - tarixdagi eng yaxshi murabbiylardan biri. Kiyinish xonasiga quvonch olib kiradigan murabbiy. U har doim futbolchilar yonida, har doim yordam berishga tayyor. Xabi ham yordam berishni juda xohlaydi, lekin u hali yosh murabbiy, u o'zini isbotlashi kerak. Karloga hech narsani isbotlashning hojati yo'q (kuladi)! Xabi ancha yosh va u "Real"da o'zini ko'rsatish va muvaffaqiyatga erishishga intilayotgani ko'rinib turibdi," - deya Mbappening so'zlarini keltiradi Madrid Zone.

Eslatib o'tamiz, Alonso klublar o'rtasidagi jahon chempionati - 2025 oldidan "Real" bosh murabbiyi Anchelotti o'rnini egalladi.