«Chelsi» sobiq futbolchisi Xuan Mata kimni eng yaxshi himoyachi deb hisoblashi haqidagi savolga javob berdi.

«Men uchun, albatta, Jon Terri yaxshiroq. Van Deyk — fantastik o'yinchi. Uning «Liverpul» uchun qilgan ishlarini, shaxsiyati, xarakteri va etakchilik qobiliyatlarini hurmat qilaman. Biroq men uchun Terri — futbol tarixidagi eng yaxshi himoyachilardan biri», — dedi Mata «TEAMtalk» nashriga bergan intervyusida.

Jon Terri 1998 yildan 2017 yilgacha «Chelsi» sharafini himoya qilgan. U London klubi bilan 17 ta sovrinni qo'lga kiritgan, ular orasida beshta Angliya chempionligi va Chempionlar ligasi g'olibligi bor.