"Inter Mayami" ustozi Xaver Maskerano MLS finalida "Vankuver" ustidan qozonilgan g'alaba haqida fikr bildirdi. Unda jamoa 3:1 hisobida g'alaba qozondi.

"Messi, Buskets va Alba "Inter Mayami" tarixiga kirdi. Ular aynan shu maqsadda - jamoa maqomini o'zgartirish uchun kelishgan. Bu g'alaba klub uchun bir joyda to'xtab qolmaslikka turtki bo'ladi, oldinga siljishda davom etish kerak," - deya bosh murabbiyning so'zlarini keltiradi Mundo Deportivo.

Final o'yinidan so'ng Buskets va Alba faoliyatini yakunladi. 38 yoshli Messi "Inter Mayami"dagi faoliyatini davom ettiradi. Hujumchining mehnat shartnomasi 2028 yil oxirigacha mo'ljallangan.