Maskerano Luis Suaresning diskvalifikatsiyasi haqida gapirdi

«Inter Mayami» bosh murabbiyi Xaver Maskerano jamoa hujumchisi Luis Suaresning diskvalifikatsiyasiga munosabat bildirdi.
Maskeranoning ta'kidlashicha, ham klub, ham futbolchining o'zi MLSning qaroriga rozi:
«Biz nihoyat bu masalani hal qildik, garchi «Sietl»ga qarshi o'yin qanday yakunlangani va undan keyin bo'lgan voqealar bizga yoqmagan bo'lsa-da. Biz butun mavsum davomida muhim bo'lgan asosiy tarkib o'yinchisini yo'qotyapmiz», — dedi Maskerano.
Eslatib o'tamiz, urugvaylik forvard «Sietl» vakiliga uchrashuv tugagandan keyin raqib klub hodimiga tupurgandi. Shuning uchun Suares MLSdagi uchta va Kubok Ligasi doirasidagi olti o'yinni o'tkazib yuborishiga to'g'ri keladi.
Kommentariyalar