«Marsel» jamoasining yangi bosh murabbiyi etib Xabib Beye tayinlandi. 48 yoshli mutaxassisning tayinlangani haqida «provansalliklar» matbuot xizmati e'lon qildi. Senegallik murabbiyning so'nggi ish joyi «Renn» klubi edi va u ushbu lavozimni shu oy boshida tark etgandi.

Xabib Beye futbolchilik faoliyati davomida 2003 yildan 2007 yilgacha «Marsel» sharafini himoya qilgan. U «oq-ko'klar» boshqaruvida o'tgan hafta iste'foga chiqqan Roberto De Dzerbining o'rnini egalladi.

Ayni damda «Marsel» 22 turdan so'ng 40 ochko bilan Liga 1 turnir jadvalida to'rtinchi o'rinni egallab turibdi. Jamoa shu juma kuniyoq chempionat doirasida «Brest»ga qarshi safar o'yinini o'tkazadi. Uchrashuv Toshkent vaqti bilan 00:45 da (shanbaga o'tar kechasi) boshlanishi rejalashtirilgan.