Marokash terma jamoasi hamda «Real» klubi hujumkor yarim himoyachisi Brahim Dias Afrika millatlar kubogi tarixiga kirdi. 26 yoshli futbolchi musobaqaning final bosqichida ketma-ket beshta o'yinda gol urgan ilk futbolchiga aylandi.

Joriy Afrika millatlar kubogida Dias marokashliklar ishtirok etgan har bir bahsda o'z nomini tabloga yozdirib qo'ydi: guruh bosqichida Komor orollari (2:0), Mali (1:1) va Zambiya (3:0) darvozalariga bittadan gol urdi. Keyin esa 1/8 finalda Tanzaniyaga qarshi bahsda (1:0) va chorak finalda Kamerun bilan o'yinda (2:0) ham gol muallifi bo'ldi. Ushbu golli seriya Marokashning yarim finalga chiqishida muhim rol o'ynadi. Bu bosqichda jamoa Jazoir — Nigeriya juftligi g'olibi bilan to'qnash keladi.

Ma'lumot uchun, Brahim Dias Ispaniyada tug'ilgan, Ispaniya yoshlar terma jamoalari safida o'ynagan va milliy jamoa uchun o'rtoqlik uchrashuvlarida ham ishtirok etgan. Biroq 2024 yilda u sport fuqaroligini o'zgartirib, otasining Vatani hisoblanmish Marokash terma jamoasini tanladi.

Manba: championat.com