Londonning «Chelsi» klubi chap qanot himoyachisi Mark Kukurelya o'z pozitsiyasida dunyo futbolida kimni eng zo'r deb hisoblashini aytdi.

Ispaniyalik futbolchi «Pari Sen-Jermen» va Portugaliya terma jamoasi sharafini himoya qilayotgan 23 yoshli Nunu Mendeshni alohida e'tirof etdi.

«Men hozir juda yaxshi sport formasidaman, ammo Mendesh — dunyodagi eng yaxshi chap qanot himoyachisi», — deya Kukurelyaning intervyusidan iqtibos keltirmoqda jurnalist Fabritsio Romano.

Joriy mavsumda Nunu Mendesh Luis Enrike jamoasi safida 35 ta o'yinda maydonga tushib, 6 ta gol urdi va 7 ta golli uzatmani amalga oshirdi. Mart oyida portugaliyalik futbolchi parijliklarga Chempionlar ligasi 1/8 finalida «Chelsi»ni umumiy 8:2 hisobida tor-mor etishga yordam bergan edi.