Joze Mourino tez orada Portugaliyaning "Benfika" klubini qabul qilib oladi. Agar hech qanday kutilmagan holat yuz bermasa, 30 sentyabr kuni portugaliyalik murabbiy qo'l ostidagi "burgutlar" Chempionlar ligasi umumiy bosqichi 2-turi doirasida "Stemford Brij"da "Chelsi"ga qarshi maydonga tushadi.

"Ha, Mourino bilan uchrashishimdan xursandman, - deb javob beradi London grandi ustozi Entso Mareska. - Joze nafaqat "Chelsi", balki butun futbol afsonasi. Uning sovrinlari va yutuqlari hammasini aytib turibdi," - deya italiyalik murabbiyning so'zlarini keltiradi jurnalist Bobbi Vinsent.

Joze Mourino 2004-2007 va 2013-2015 yillarda "Chelsi"da ishlagan. Yaqinda mutaxassis Turkiyaning "Fenerbaxche" klubi murabbiyligidan bo'shatilgan edi.