Maykl Kerrik ikkita ish davri davomida "Manchester Yunayted" boshqaruvidagi dastlabki 10 ta o'yinda biror marta mag'lubiyatga uchramadi (8 g'alaba, 2 durang). Bugun "MYu" APL doirasida "Kristal Pelas"ni mag'lub etdi (2:1).

Ushbu ko'rsatkich bo'yicha Kerrik Gerbert Bemlett bilan tenglashib oldi. Rekord esa Ole-Gunnar Sulsherga tegishli bo'lib, u "qizil iblislar" bilan dastlabki 11 ta o'yinda mag'lub bo'lmagan.

Joriy mavsumda "MYu" Kerrik boshqaruvida 7 ta o'yin o'tkazdi (6 g'alaba va 1 durang), 2021 yilda esa uchta uchrashuvda (2 g'alaba va 1 durang) maydonga tushgan edi.