"Inter" himoyachisi Federiko Dimarko faoliyatini Angliyada davom ettirishi mumkin. Futbolchi "Manchester Yunayted"ning transfer nishoniga tushgan.

"Qizil iblislar" kelayotgan yozda mudofaa qanotlarini kuchaytirishni rejalashtirmoqda. Dimarko klubning "short-listi"dagi (nomzodlar ro'yxati) asosiy variant bo'lib turibdi.

Avvalroq Federikoning xizmatlariga Londonning "Arsenal" klubi ham qiziqish bildirayotgani haqida xabar berilgan edi. Dimarko "Inter"ning eng muhim o'yinchilaridan biri sanaladi. Joriy mavsumda u chap qanot himoyachisi pozitsiyasida maydonga tushib, 31 ta o'yinda ishtirok etdi va o'z hisobiga 6 ta gol hamda 13 ta golli uzatmani yozdirib qo'ydi.