"Manchester Siti" va "Bavariya" Bundesliganing eng umidli hujumchilaridan birini kuzatib bormoqda.

Germaniyalik jurnalist Kristian Falkning ma'lum qilishicha, Evropa grandlari "Kyoln"dan 19 yoshli Said Al-Malning transferi uchun kurashishga tayyor. Myunxen klubi mutasaddilari allaqachon "Kyoln" rahbariyatiga murojaat qilib, futbolchining yaqin vaqt ichida klubga o'tish shartlarini bilib olishgan.

Qayd etilishicha, 19 yoshli germaniyalik futbolchi "Pari Sen-Jermen" va Milanning "Inter" klublari e'tiboriga tushgan.

Said Al-Mala joriy mavsum "Kyoln" safida Bundesligada 8 ta o'yinda 3 ta gol va bitta golli uzatmaga mualliflik qildi.