"Manchester Siti" va Angliya terma jamoasining sobiq darvozaboni Skott Karson futbolchilik faoliyatini yakunladi. Darvozabon o'z qarorini shaxsiy ijtimoiy tarmog'ida e'lon qildi.

Sentyabr oyida Karson 40 yoshga to'ldi, u faoliyatining so'nggi olti yilini "Manchester Siti"da uchinchi darvozabon sifatida o'tkazdi. U o'tgan davr mobaynida atigi bir marta maydonga tushdi. 2007-2011 yillarda u Angliya terma jamoasiga chaqirilgan. Shuningdek, Skott faoliyati davomida "Lids", "Charlton", "Vest Bromvich" va boshqa ko'plab ingliz klublarida o'ynagan.