Juma kuni "Manchester Siti" vinger Savio bilan shartnomani uzaytirganini e'lon qildi.

Braziliyalikning yangi kelishuvi 2031 yilgacha mo'ljallangan.

"Savio ko'plab ajoyib fazilatlarga ega, uning salohiyati shunchaki cheksiz. U aql bovar qilmaydigan tabiiy qobiliyatga ega, har kuni astoydil ishlaydi, shu bilan birga juda kamtarin. Savio dunyoning eng yaxshi hujumkor futbolchilaridan biri bo'lishga intilmoqda. U uzoq yillar davomida Gvardiola va uning murabbiylar shtabi bilan birga jamoamizda muhim rol o'ynay olishiga shubha qilmayman," - deydi "shaharliklar" sport direktori Ugu Viana.

Savino 2024 yilning yozida Frantsiyaning "Trua" klubidan "Manchester Siti" safiga kelib qo'shilgandi.