«Manchester Siti» va Norvegiya terma jamoasi hujumchisi Erling Xoland Madridning «Real» klubiga o'tish imkoniyatini inkor etmayapti.

«Shaharliklar» etakchisi shu yozda jamoani tark etmaydi, biroq kelajakda «qaymoqranglilar» lageriga ko'chib o'tish stsenariysini jozibali va mutlaqo real istiqbol sifatida ko'rib chiqmoqda, deb xabar beradi Madrid Zone insayder Fabritsio Romanoga tayanib. Hujumchining ingliz grandi bilan amaldagi shartnomasi 2034 yilning o'rtalariga qadar mo'ljallangan.

Erling Xolandning Braziliya terma jamoasi darvozasiga urgan dubli (2:1) Norvegiyani Jahon chempionatining chorak finaliga olib chiqdi. Yarim final yo'llanmasi uchun skandinaviyaliklar Angliya bilan bahslashadi.

Xolandning Transfermarkt portalidagi bahosi 200 million evroni tashkil etadi.

Manba: Stadion.uz