«Manchester Siti» markaziy himoyachisi Ruben Diash son sohasidagi jarohati sababli Angliya liga kubogi finalini o'tkazib yuboradi.

«Shaharliklar» bugun Toshkent vaqti bilan soat 21:30 da final doirasida «Arsenal»ga qarshi maydonga tushadi.

28 yoshli futbolchi seshanba kuni Chempionlar ligasi doirasida «Real»ga qarshi o'yinda (1:2) tanaffus vaqtida almashtirilgan edi. Bungacha u APLning «Vest Xem»ga qarshi bahsida (1:1) zaxira o'rindig'ida qoldirilgandi.

Shu yilning boshida Diash aynan son qismidagi jarohat tufayli 8 ta o'yinni o'tkazib yuborgan va fevral oyi boshida safga qaytgan edi.

Diashdan tashqari, bugungi bahsda «Siti»ga boshqa himoyachilar — Mark Gexi va Yoshko Gvardiol ham yordam bera olmaydi.