Ispaniya terma jamoasi bosh murabbiyi Luis de la Fuente jahon chempionati favoritlarini aniqlashda sun'iy intellekt modellaridan ko'ra odamlarga ko'proq ishonishini ma'lum qildi.

Avvalroq Opta superkompyuteri Ispaniya terma jamoasini JCh-2026 favoriti deb atagan va uning chempionlik imkoniyatlarini 16,1% ga baholagan edi.

«Sun'iy intellekt — kelajak, buni fantastik deb hisoblayman, ammo men odamlarga ko'proq ishonaman. Men professionallar yoki OAV nima deyayotganini ko'proq qadrlayman.

Menimcha, bu jahon chempionati tarixiy ahamiyatga ega, chunki ko'plab jamoalarda [g'alaba qozonish uchun] imkoniyat bor — Frantsiya, Angliya, Argentina, Braziliya, Marokash, Ispaniya, Portugaliya, Senegal... Bu juda og'ir jahon chempionati bo'ladi va biz titul uchun kurasha olishimizni his qilyapmiz», — dedi de la Fuente.