«Liverpul» Yurgen Klopp bilan aloqaga chiqmoqda, deya xabar beradi Angliyaning The Sun nashri. Manbaga ko'ra, klub xo'jayini Jon Xenri hozirda Malorkada dam olayotgan germaniyalik mutaxassis bilan uchrashish uchun u erga uchib borgan.

Uchrashuvdan ko'zlangan maqsad hozircha noma'lum — bu murabbiyni ortga qaytarish taklifimi yoki 2024 yilda aynan Kloppning tavsiyasi bilan tayinlangan Arne Slot borasidagi maslahatlashuvmi, busi mavhumligicha qolmoqda.

Shuningdek, manba boshqa qiziqarli stsenariyni ham keltirgan: «Bornmut» bilan muvaffaqiyatli ishlagani ortidan o'z mavqeini ancha oshirgan ispaniyalik mutaxassis Andoni Iraola jamoa boshqaruvini qo'lga olishi mumkin.