"Liverpul" futbolchisi Ibraima Konate Frantsiya terma jamoasidagi jamoadoshi Rayan Sherki haqida qanday fikrda ekanini aytdi.

Iyun oyi boshida hujumkor yarim himoyachi "Lion"dan "Manchester Siti"ga o'tgandi. O'shanda u Frantsiya terma jamoasi safida debyut qilgan.

"Men "Manchester Siti"dagi Sherki va terma jamoadagi Sherki o'rtasida hech qanday farq ko'rmayapman. U juda yorqin o'yinchi, eski maktab vakili, tomoshabinlarni xursand qilishni yaxshi ko'radi. U ikkala oyog'ini ham yaxshi ishlatadi. Rayanda o'yinni kuchaytirishi mumkin bo'lgan ko'plab jihatlar bor - endi hamma narsa uning o'ziga bog'liq. U mehnat qilsa, futbolda ulkan marralarni zabt etishi mumkin," - deya Konatening so'zlarini keltiradi Le Parisien.

Yakshanba kuni "uchranglilar" JCh-2026 saralashining so'nggi turida Ozarbayjonga qarshi bahs olib boradi.