«Liverpul» klubi va Niderlandiya terma jamoasi o'ng qanot himoyachisi Jeremi Frimpong navbatdagi jarohatini oldi.

25 yoshli futbolchi Kolumbiyaga qarshi kechgan o'rtoqlik uchrashuvining ikkinchi bo'limi avvalida zaxiradan maydonga tushdi, biroq 58-daqiqadayoq majburiy ravishda almashtirildi. O'yin yakunlanganidan so'ng «to'q sariqlar» ustozi Ronald Kuman lateralning jarohat olganini tasdiqladi.

Endilikda «Liverpul»ni oldinda juda muhim bahslar kutmoqda: shu shanba, 4 aprel kuni Angliya Kubogi 1/4 finali doirasida «Manchester Siti»ga qarshi o'yin bo'lib o'tsa, 8 aprel kuni Arne Slot shogirdlari Chempionlar ligasi chorak finalining ilk uchrashuvida «PSJ» bilan to'qnash kelishadi.

Eslatib o'tamiz, Niderlandiya va Kolumbiya terma jamoalari o'rtasidagi bahs 1:1 hisobidagi durang bilan yakunlandi.