Angliyaning Liverpul shahrida o'tayotgan bkos bo'yicha jahon chempionatida yarim final janglari boshlandi.

Ayollar o'rtasida 65 kg. vazn toifasidagi vakilimiz Navbahor Hamidova final yo'llanmasi uchun Xitoy Taypeyi a'zosi Chen Nien-Chinga qarshi ringga ko'tarildi.

Hamyurtimiz birinchi bo'limda 4 hakamdan 10 ball olgan bo'lsa, ikkinchi raundda 3 hakamning e'tirofiga sazovor bo'ldi. Uchinchi bo'limda taypeylik bokschi ustunlikka erishdi. Yakuniy baholar esa — 3:2 (30:27, 29:28, 29:28, 28:29, 28:29), Hamidova foydasiga.

Shu tariqa, Navbahor ushbu raqibdan revansh oldi. Ushbu bokschilar Parij olimpiadasining chorak finalida to'qnash kelishgan va unda Chen Nien-Chin g'alaba qozongan edi.

Hamidova finalda qozog'istonlik Aida Abikeevaga qarshi ringga ko'tariladi.

Manba: stadion.uz