"Inter Mayami" hujumchisi Lionel Messi jamoadoshi Jordi Albaning MLS mavsumi yakunlangach, faoliyatini yakunlashini e'lon qilganiga munosabat bildirdi.

Argentinalik va ispaniyalik futbolchi 2012-2021 yillarda "Barselona"da ham birga o'ynagan.

“Rahmat senga, Jordi. Men seni juda sog'inaman. Birgalikda boshimizdan kechirgan hamma narsalardan so'ng, chap tomonga qarab, endi seni u erda ko'rmaslik g'alati tuyuladi… Shu yillar davomida menga nechta gollar uchun pas berganingni o'ylasam, aql bovar qilmaydi!".

Alba "Barselona" bilan olti karra Ispaniya chempioni va Chempionlar ligasi g'olibi bo'ldi. Shuningdek, u "Kornelya", "Valensiya" va "Ximnastik" klublarida ham o'ynagan. Himoyachi "Inter Mayami" safiga 2023 yilda kelib qo'shilgan.