Argentina terma jamoasi sardori Lionel Messi Jahon chempionati-2026 guruh bosqichini 6 ta gol bilan yakunlab, musobaqaning ushbu bosqichidagi eng yaxshi to'purarga aylandi.

Messi 4 tadan gol urgan Kilian Mbappe, Usmon Dembele, Vinisius Junior hamda Erling Xolanddan o'zib ketdi.

Ulardan keyingi pog'onada guruh bosqichini 3 tadan gol bilan yakunlagan futbolchilar joylashgan.

Messi guruh bosqichida yuqori samaradorlik namoyish etdi. U Jazoirga qarshi uchrashuvda xet-trik qayd etdi, Avstriya bilan bahsda dubl rasmiylashtirdi hamda Iordaniya darvozasiga bitta gol urdi.

Jahon chempionati-2026ning 1/16 final bosqichida Argentina terma jamoasi Kabo-Verdega qarshi maydonga tushadi.

Manba: Stadion.uz