Kataloniyaning "Barselona" klubi va Ispaniya terma jamoasi vingeri Lamin Yamal uyida saqlanayotgan eng qimmatbaho buyumni aytdi.

"Uyimdagi eng qimmatli narsa? Bu Frantsiya terma jamoasi bilan o'yinda men kiritgan to'p", - deydi 18 yoshli vinger o'zining YouTube’dagi kanalida.

Eslatib o'tamiz, Lamin Evro-2024 yarim finalida Frantsiya darvozasini ishg'ol qilgandi. O'sha turnirda Ispaniya terma jamoasi finalda inglizlarni mag'lub etib (2:1), g'olib bo'ldi.

Umumiy hisobda Yamal "qizil furiya" safida 23 ta o'yin o'tkazgan. U 6 ta gol va 12 ta assistni o'z hisobiga yozdirib qo'ydi.