Mashhur murabbiy Dik Advokatning ko'p yillik yordamchisi Kor Pot 78 yoshli mutaxassisning kelajagi borasidagi savolga javob berdi.

«Kelajakda yana ishga qaytamizmi? Ochig'ini aytganda, bu bizning oxirgi ishimiz edi», — deya Potning so'zlaridan iqtibos keltirmoqda Odds.ru.

Dushanba kuni, 23 fevral oqshomida Advokat Kyurasao terma jamoasi bosh murabbiyligidan ketdi. Pot ham u bilan birga milliy jamoani tark etdi.

Niderlandiyalik mutaxassis Kyurasaoni 2024 yildan beri boshqarib kelayotgan edi. Uning qo'l ostida jamoa JCh-2026 final bosqichi yo'llanmasini qo'lga kiritdi.