Madridning "Real" klubi darvozaboni Tibo Kurtua jamoadagi murabbiylar almashinuvidan keyin nimalar o'zgargani haqida gapirib berdi. Ikki haftadan kamroq vaqt oldin Xabi Alonso "qaymoqranglilar" boshqaruvchisi lavozimidan bo'shatilgandi - o'shanda uning o'rnini Alvaro Arbeloa egallagandi.

- Arbeloa bilan Alonso o'rtasidagi farq? Menimcha, farqlar unchalik ko'p emas, lekin har bir murabbiyning o'z yondashuvi bor, ba'zi detallar o'zgarishi muqarrar. Balki hozir hammasi yaxshi ketayotgandir," - deya Kurtuaning o'yindan keyingi intervyusidan iqtibos keltiradi ispan OAV.

"Real" shanba kuni La Liga doirasida safarda "Vilyarreal"ni mag'lub etdi (2:0). Yangi murabbiy qo'l ostidagi to'rtta o'yinda Madrid grandi uchta g'alabaga erishdi.