Madridning «Real» klubi sobiq yarim himoyachisi Toni Kroos jamoa xavbeki Federiko Valverdening joriy mavsumdagi o'yini haqida o'z fikrlarini bildirib o'tdi.

«Real» uchun o'rtamiyona kechayotgan ushbu mavsumda Fede jamoani oz bo'lsa-da o'z elkasida tortishga muvaffaq bo'ldi. U uchun ham hamma narsa ideal bo'lgani yo'q, biroq uning namoyish etayotgan sur'ati ham, «Manchester Siti»ga qarshi o'yini ham tasodif emas. Chunki u nafaqat yuqori sifatlarga, balki to'g'ri mentalitetga ham ega bo'lgan yigit. O'shandan beri u maydonda porlamoqda. Fede hozir ko'rsatayotgan daraja — shunchaki aql bovar qilmas. Umid qilamanki, bu hali uzoq davom etadi», — deya Kroosning so'zlaridan iqtibos keltiradi ESPN.

Joriy mavsumda Valverde «Real» safida barcha turnirlarda 42 ta o'yinda maydonga tushib, 8 ta gol urdi va 12 ta golli uzatmani amalga oshirdi. Eslatib o'tamiz, bugun, 7 aprel kuni Madrid klubi o'z maydonida UEFA Chempionlar ligasi 1/4 finali doirasida «Bavariya»ni qabul qiladi.