"Kristal Pelas" "Everton" vingeri Duayt Maknil uchun 23 million evro taklif qildi. Bu haqda Sky Sports News xabar berdi.

Hozircha "Everton"ning "Kristal Pelas" taklifiga javobi haqida ma'lumot yo'q. Qayd etish joiz, transfer oynasi yopilishiga sanoqli soatlar qoldi.

2022 yildan buyon "Everton" sharafini himoya qilib kelayotgan 26 yoshli Duayt Maknil joriy mavsum 18 ta o'yinda maydonga tushdi va 1 ta golli uzatmani amalga oshirdi.