«Bavariya» bosh murabbiyi Vensan Kompani Xosep Gvardiolaning «Manchester Siti» bosh murabbiyi lavozimidan ketishi borasida o'z fikrlarini bildirdi.

«U bilan birga ishlash men uchun haqiqiy sovg'a edi. Aynan u bilan o'tkazgan yillarim meni kelajakda murabbiy bo'lishga undadi», — deya Kompanining so'zlaridan iqtibos keltiradi Bayern&Germany.

Kompani va Gvardiola 2016-2019 yillarda belgiyalik futbolchi «Siti»da to'p surgan paytda birga ishlagan. 2020 yilda futbolchilik faoliyatini yakunlagach, Kompani murabbiylik yo'liga o'tdi: 2020-2022 yillarda «Anderlext»ni, 2022-2024 yillarda «Byornli»ni boshqardi, 2024 yildan buyon esa «Bavariya»da faoliyat yuritmoqda.

Eslatib o'tamiz, Pep Gvardiolaning «Siti»dan ketishi haqida 22 may, juma kuni rasman ma'lum bo'lgan edi.