«Bavariya» bosh murabbiyi Vensan Kompani Xosep Gvardiolaning «Manchester Siti» bosh murabbiyligidan ketishi borasida o'z fikrini bildirdi.

«U bilan birga ishlash men uchun sovg'a bo'lgandi. Aynan u bilan o'tkazilgan yillar meni kelajakda murabbiy bo'lishga undagan», — deya Kompanining so'zlaridan iqtibos keltiradi Bayern&Germany.

Kompani va Gvardiola belgiyalik futbolchi hali klubda to'p surayotgan vaqtda, 2016-2019 yillarda «Siti»da birga bo'lishgan. 2020 yilda faoliyatini yakunlagach, Kompani murabbiylik faoliyatini boshladi: 2020-2022 yillarda «Anderlext»ni, 2022-2024 yillarda «Byornli»ni boshqargan bo'lsa, 2024 yildan beri «Bavariya»da murabbiylik qilmoqda.

Pepning «Siti»dan ketishi haqida rasman juma kuni, 22 mayda ma'lum bo'ldi.