"Bavariya" bosh murabbiyi Vensan Kompani Dortmundning "Borussiya" jamoasiga qarshi kechgan Bundesliga o'yini haqida o'z fikrlari bilan o'rtoqlashdi. Myunxenliklar o'zlarining asosiy ta'qibchisi mehmoni bo'lib, o'yin davomida hisobda ortda borayotib, yakunda g'alabani (3:2) qo'lga kiritishdi.

"Bugungi uchrashuv — Bundesliga uchun ajoyib reklama bo'ldi. Shiddat, gollar va tribunalardagi 80 ming tomoshabin — hammasi ajoyib edi. "Borussiya" bosim o'tkazishga harakat qildi, lekin biz shunchaki himoyada o'tirib, bosimga chidab berganimiz yo'q, balki o'z vaziyatlarimizni yaratdik. Har ikki jamoa ham hujum qilishga intildi", — deya Kompanining intervyusidan iqtibos keltiradi Bayern & Germany.

Ushbu g'alabadan so'ng "Bavariya" mavsum yakunidan o'n tur oldin "Borussiya" bilan oradagi farqni 11 ochkoga etkazdi.