Myunxenning «Bavariya» klubi bosh murabbiyi Vensan Kompani Chempionlar Ligasi chorak finalining birinchi o'yini oldidan Madridning «Real» klubi hujumchilari Kilian Mbappe va Vinisius Junior haqidagi savolga javob berdi.

— «Real» Mbappe va Vinisius bilan birga kuchliroq o'ynaydimi yoki ularning faqat bittasi bilanmi?

— Bu umuman mening ustuvor vazifam emas. «Bavariya»ning o'z muammolari etarli, biz «Real»ning muammolarini hal qilishimiz shart emas. Faqat shuni aytishim mumkinki, ikkalasi ham — aql bovar qilmas darajadagi futbolchilar. Qolgani — «Real»ning ishi, — deya Kompanining so'zlarini keltirmoqda AS.

«Bavariya» va «Real» o'rtasidagi chorak finalning dastlabki uchrashuvi bugun, 7 aprel kuni Madriddagi «Santyago Bernabeu» stadionida bo'lib o'tadi. O'yin Toshkent vaqti bilan tungi soat 00:00'da boshlanadi.