Myunxenning "Bavariya" klubi bosh murabbiyi Vensan Kompani Chempionlar Ligasi chorak finali doirasida Madridning "Real" jamoasiga qarshi kechgan birinchi o'yindagi g'alabadan so'ng futbolchilarning holati haqida gapirib berdi. 7 aprel kuni Madridda bo'lib o'tgan bahs nemis grandining 2:1 hisobidagi g'alabasi bilan yakunlandi.

"Kiyinish xonasida hamma juda ham xotirjam edi. Biz g'alaba qozondik, ammo keyingi bosqichga chiqish uchun yana g'alaba qozonishimiz kerak", — deya Kompanining so'zlarini keltiradi jurnalist Fabritsio Romano.

"Bavariya" va "Real" o'rtasidagi javob o'yini 15 aprel kuni bo'lib o'tadi.