Italiyaning "Komo" klubi prezidenti Mirvan Suvarso jamoaning argentinalik hujumkor yarim himoyachisi Niko Pas haqida fikr bildirdi.

«Biz yoz boshida Niko Pasning "Real Madrid"ga qaytib ketishidan xavotirga tushgan edik.

U ularning akademiyasida ulg'aygan va bir kun kelib "Bernabeu"da o'ynashni orzu qilardi. Yaxshiyamki, u safimizda qoldi», - dedi klub prezidenti.

20 yoshli Pas 2024 yilning yozida 8 million evro evaziga "Komo"ga o'tgan. Hozirda 35 millionga baholanayotgan futbolchining 50 foiz transfer huquqi "qaymoqranglilar"ga tegishli.

Manba: www.stadion.uz.