Germaniyalik mutaxassis Yurgen Klopp "Liverpul" bosh murabbiyligiga qaytish imkoniyati haqida fikr bildirdi. U jamoani 2015 yildan 2024 yilgacha boshqargan edi.

"Men avval aytganimdek, agar gap "Liverpul" haqida bo'lmasa, Angliya Premer-ligasida boshqa hech qachon ishlamayman. Demak, ha, nazariy jihatdan mening qaytishim mumkin," - deya ta'kidladi Klopp.

Kloppning rahbarligi ostida "Liverpul" bir marotaba Angliya chempioni va Chempionlar ligasi g'olibi unvonini qo'lga kiritdi. Bundan tashqari, mersisaydliklar Klublar o'rtasidagi jahon chempionati, UEFA Superkubogi, Angliya kubogi va mamlakat Superkubogini ham zabt etishdi. Shuningdek, jamoa ikki marta Angliya Liga kubogini qo'lga kiritishga muvaffaq bo'ldi.