Angliyalik hujumchi Xarri Keyn Myunxenda o'z o'rnini topgan bo'lsa-da, uning yangi loyihasiga qaraganda, u erda uzoq qolmoqchi emas. Keyn Angliyada yangi turar joy qurishni rejalashtirgan — ushbu loyiha futbolchiga 20 million evroga tushadi.

Gap haqiqiy saroy haqida ketmoqda. U erda yopiq basseyn kabi «mayda-chuyda»lardan tashqari, alohida kinozal va hatto vertolyot qo'nish maydonchasi ham bo'ladi. derbyderbyderby.it nashrining qayd etishicha, bu aslida kichik bir shaharcha bo'lib, u erda Keyn va uning oilasi tashqi olam bilan aloqa qilmasdan yashashi, shug'ullanishi va muhim bahslarga tayyorgarlik ko'rishi mumkin bo'ladi.

Eslatib o'tamiz, futbolchi 2023 yildan buyon «Bavariya» sharafini himoya qilib kelmoqda.