"Manchester Yunayted" bosh murabbiyi Maykl Kerrik muxlislar jamoaning so'nggi muvaffaqiyatlarini qanday qabul qilishlari kerakligi haqida o'z fikrlarini bildirdi.

Ma'lumki, "qizil iblislar" Premer-liganing oxirgi to'rtta o'yinida g'alaba qozonishdi.

"Muxlis uchun jamoa muvaffaqiyatlaridan xursand bo'lish — normal holat. Ular stadionni yaxshi kayfiyatda tark etishlari va qaytishni intizorlik bilan kutishlari kerak. Bizning vazifamiz — ularga shuni berishdir. Oxirgi haftalarda ko'rsatgan o'yinlarimiz juda ajoyib bo'ldi. Biz buni rivojlantirishda davom etishimiz lozim", — dedi Kerrik TNT Sports telekanaliga.