«Barselona» yarim himoyachisi Mark Kasado yozgi transfer oynasida jamoasini o'zgartirishi mumkin. Bu haqda Ispaniya matbuoti xabar tarqatmoqda.

Ma'lumotlarga ko'ra, futbolchiga Saudiya Arabistonining uchta klubi da'vogarlik qilmoqda. Xususan, «Al-Ahli», «An-Nasr» va «Al-Hilol» Kasadoning xizmatlariga qiziqish bildirmoqda. Yarim himoyachining «ko'k-anorranglilar» bilan amaldagi shartnomasi 2028 yilning yoziga qadar mo'ljallangan.

Mark Kasado — «Barselona» akademiyasi bitiruvchisi hisoblanadi. U kataloniyaliklar safida jami 70 ta uchrashuvda maydonga tushib, o'z hisobiga bitta gol va ettita golli uzatmani yozdirib qo'ygan.