"Liverpul" va Angliya terma jamoasining sobiq futbolchisi Jeymi Karrager "Manchester Siti"ning APL chempionlik poygasidagi istiqbollari haqida fikr bildirdi.

Ayni vaqtda "shaharliklar" turnir jadvalida "Arsenal"dan 4 ochko ortda qolib, 2-o'rinda bormoqda.

"Manchester Siti"da "Arsenal"dagi kabi sifatli zaxira o'rindig'i yo'q, ammo Gvardiola bunday boshlang'ich tarkib bilan chempionlikka da'vogarlik qilishi mumkin, ayniqsa, Erling Xoland bunday formada bo'lsa," - deya mutaxassisning so'zlarini keltiradi The Telegraph.

4 yanvar kuni Angliya chempionatining 20-turi doirasida Xosep Gvardiola jamoasi o'z maydonida "Chelsi"ni qabul qiladi.