Madridning "Real" klubi futbolchisi Rodrigo bo'lajak o'yinlarda Braziliya terma jamoasiga chaqirilmaydi.

5 va 10 sentyabr kunlari "pentakampeonlar" JCh-2026 saralash bosqichi doirasida Chili va Boliviyaga qarshi bahs olib boradi. TNT Sports xabariga ko'ra, Braziliya terma jamoasi etakchisi Karlo Anchelotti Xabi Alonso davrida "Real"da kam o'yin amaliyoti olayotgan Rodrigoni bo'lajak yig'in qaydnomasiga kiritmaslikka qaror qilgan. Italiyalik murabbiy boshqa nomzodlarni sinab ko'rmoqchi.

Anchelotti may oyi oxirida Braziliya terma jamoasi murabbiyi lavozimini egalladi, bundan oldin u to'rt yil davomida "Real"ni boshqargan.

Rodrigo o'yin amaliyoti etishmasligi tufayli "qirollik klubi"ni tark etishi mumkinligi aytilmoqda.