Fabio Kannavaro "Napoli" Italiya chempionati joriy mavsumida chempion bo'lishiga ishonmoqda.

Eslatib o'tamiz, neapolliklar Skudettoning amaldagi chempionlari hisoblanadi, ularga Antonio Konte ustozlik qilmoqda.

"Men uchun javob aniq - "Inter" kuchliroq bo'lsa-da, "Napoli" chempion bo'ladi. "Milan"da Allegri bor, u juda ayyor tulki, shuningdek, evrokuboklarda ishtirok etmayapti - bu muhim. "Roma" "Yuventus"dan bir qadam oldinda," - deya Kannavaroning so'zlarini keltiradi Pianetamilan.

Ayni paytda turnir jadvalida "Inter" peshqadamlik qilmoqda.