Seshanba kuni Afrika futbol konfederatsiyasi (KAF) apellyatsiya komissiyasi 2025 yilgi Afrika Millatlar Kubogi finali natijasini bekor qildi. Senegal terma jamoasiga Marokash bilan uchrashuv yakunida maydonni tark etgani uchun texnik mag'lubiyat yozildi.

Seshanba kuni, 17 mart sanasida komissiyaning yig'ilishi bo'lib o'tdi va unda Marokash tomonidan berilgan apellyatsiya ko'rib chiqildi.

Ommaviy axborot vositalariga tarqatilgan press-relizda shunday deyilgan: «Afrika futbol konfederatsiyasining apellyatsiya hakamlar hay'ati Afrika Millatlar Kubogi (KAN) reglamentining 84-moddasiga muvofiq, Senegal milliy terma jamoasini finalga «kelmagan» deb topdi, shu sababli Qirollik Marokash futbol federatsiyasi foydasiga 3:0 hisobidagi g'alaba tasdiqlandi».

Turnirning 18 yanvarda bo'lib o'tgan finalida, uchrashuvning 90+8-daqiqasida senegalliklar darvozasiga penalti belgilanganidan so'ng, Senegal terma jamoasi bosh murabbiyi Pap Tiav norozilik belgisi sifatida o'z jamoasini tribuna osti yo'lakchasiga olib chiqib ketgan edi. Keyinroq terma jamoa sardori Sadio Mane futbolchilarni maydonga qaytardi. Marokashlik hujumchi Braim Dias penaltini golga aylantira olmadi, qo'shimcha vaqtda esa Senegal bitta gol urib, g'alaba qozongan edi.